வானில் மிதக்கும் மேகங்களாய் மனதுள் அலைகிறது நினைவுகள், எப்போதோ பழகிய ஞாபகங்களின் ஊற்றில் இருந்து, மனதுள் - இப்போதும் ஓடிக்கொண்டிருக்கிறது நினைவுகள் என்ற நதி. எங்கள் தளவாடிகளை விட்டு நீக்கள் நீங்கிச்சென்றாலும், உங்கள் விம்பங்கள் மட்டும் என்றும் தெறித்த வண்ணமே உள்ளது எங்கள் சுவர்களில் . கண்ணுக்கு தெரியாமல் மனதில் ஒட்டிப்போயுள்ள கடவுளும், கலாச்சாரமும் போல, நீங்கள் என்ற நிஜம் மறைந்து நின்றாலும், உங்கள் ஞாபகங்களின் பாதிப்புக்கள் அதே உஷ்ணத்திலேயே உள்ளது. பிரிவுகள் எதனிலும் கொடுமையானவை. பிரிவுகளின் கனதி, நினைவுகளின் மீட்டலில் தான் உணரமுடிகிறது. இருந்தும் உங்களை பற்றிய ஞாபகங்களின் தொகுப்பு இன்றும் இந்த பிரபஞ்சத்தின் பாகமாய் உள்ளதாகவே உணர்கிறோம். பேசிய மொழியும், உங்கள் வார்த்தைகளின் ஒலியும், இன்றும் இதே காற்றில் தான் கலந்துள்ளது. உங்களுடன் பேச ஊடகங்கள் இல்லா விடினும், இவற்றின் மூலமான பரிமாற்றங்கள், இனம்புரியாத தொடர்பில் உங்களையும் எங்களையும் இணைத்திருக்கும் என நம்புவோமாக
-தூரத்தால், உறவு பிரிந்த துயரத்தில் இருப்போர்க்கு, இது சமர்ப்பணம்-
